Eplakaka

Uppskriftin af kökunni er úr bókinni: Við matreiðum, bls 253.
Sérlega góð og einföld eplakaka án kanils.

Þú þarft:

100 g smjörlíki

100 g sykur (1 1/4 dl)

1 egg

150 g hveiti (um 3 dl)

1 1/2 tsk lyftiduft

(2 msk kókosmjöl)

2 dl mjólk

1/2 tsk vanilludropar

1 epli

kanilsykur eða sykur og kókosmjöl

Ofnhiti: 175°C

Hrærið lint smjörlíki og sykur saman í hrærivélarskál
þar til það er létt og ljóst

Látið eggin, lauslega þeytt saman við smjörlíkishræruna.
Hrærið vel.

Gott getur verið að strjúka innan úr skálinni með sleikju
svo örugglega allt blandist vel saman.

Sigtið saman hveiti og lyftidufti og bætið í
til skiptis við vökvann.

Vökvanum bætt í til skiptis við þurrefnin.

Kókosmjölinu bætt við.

Hrærið á minnsta hraða og ekki of lengi
svo deigið verði ekki seigt.

Látið deigið í vel smurt mót.
Deigið má ekki fylla meira en 2/3 hluta mótsins.

Skerið niður eplið í litla báta. Það er fallegra að hafa fleiri
bita ofan á kökunni.

Hreinsið börkinn og steinana af eplabátunum.

Raðið eplabitunum fallega ofan á deigið.

Stráið kókosmjöli og sykri yfir eplin.

Bakið kökuna á neðstu rim í 30-40 mín. við 175°C.

Eplakakan er fullbökuð þegar hún hefur náð fallegum lit og
er farin að losna frá köntunum.

Hér má greinilega sjá að kakan hefur losað sig frá kantinum.

Falleg er hún þegar hún er komin á disk tilbúin
til að vera borin fram.

Eplakaka er best nýbökuð borin fram annað hvort með
þeyttum eða sýrðum rjóma. 

Verði mér að góðu.