Þetta er mjög gott brauð og gaman að bera það á borð. Mjög gott að borða það með t.d. súpu eða jafnvel eitt og sér með áleggi.
Þú þarft:
1/2 dl hörfræ
1/2 dl sesamfræ
1 dl sólblómafræ
1/2 rúgkjarnar
4 dl vatn
8 dl hveiti
1 dl hveitiklíð
3/4 msk salt
2 1/2 tsk þurrger
1 lítið egg
3 1/2 dl volgt vatn
mjólk til penslunar
Skraut:
hörfræ, sesamfræ
og sólblómafræ
225°C 35-40 mínútur
 |
| Leggið fræin og rúgkjarnana í bleyti yfir nótt eða í átta klúkkustundir. |
 |
| Hellið afgangsvatninu frá eftir nóttina. |
 |
| Bætið megninu af hveitinu út í ásamt hveitiklíði, salti og þurrgeri, eggi og vatninu. |
 |
| Blandið öllu vel saman. |
 |
| Látið hefast á hlýjum stað. |
 |
| Eftir um það bil klukkustund hefur deigið tvöfaldast. |
 |
| Hnoðið og bætið afganginum af hveitinu saman við. |
 |
| Skiptið deiginu í sjö hluta. |
 |
| Mótið kúlur úr þeim. |
 |
| Leggið eina kúlu á miðjuna á bökunarpappír og raðið hinum í kring. |
 |
| Látið deigið hefast í 45 mínútur. |
 |
| Penslið með mjólk. |
 |
| Stráið hör-, sesam- og/eða sólblómafræjum yfir. |
 |
| Bakið neðarlega í 225°C í 35-40 mínútur. |
 |
| Látið brauðið kólna aðeins áður en það er borið fram. |
 |
| Verði mér að góðu |
Þetta brauð fannst mér skemmtilegt að gera þó svo að ég skildi ekki alveg hvers vegna leggja ætti fræin í bleyti daginn áður. Ég kláraði reyndar öll sesamfræin þegar ég var að leggja fræin í bleyti og því voru svo engin sesamfræ í skreytingunum ofaná.
ReplyDeleteBrauðið var mjög bragðgott og líktist brauði sem keypt er úti í búð.
Mér fannst pínu erfitt að finna út hvernig maður ber sig að eftir að hafa borið brauðið á borð, þar sem kúlurnar eru mjög stórar og ekki er hægt fyrir einn einstakling að borða heila kúlu. Því endaði ég á því að skera hverja kúlu niður í sneiðar eins og um væri að ræða 7 lítil smábrauð.
Ég er nokkuð viss um að þetta brauð eigi ég eftir að gera aftur, bæði var það auðvelt og mjög bragðgott.