Þetta er mjög góður pottréttur og frekar einfaldur þó hann krefjist smá undirbúnings og fyrirhyggju. Sérstaklega ef notaðar eru baunir sem ekki eru niðursonar.
Þú þarft:
2 laukar
1 paprika
2 gulrætur
4 hvítlauksrif
400 g niðursoðnir tómatar
2 dl grænmetis- eða kjötsoð
1 tsk paprikuduft
6 dl soðnar nýrnabaunir
1 msk chiliduft
1/2 - 1 tsk kumminduft (ef vill)
salt og pipar
1/2 búnt steinselja, söxuð
 |
| Saxið lauk, papriku og gulrætur. Pressið hvítlaukinn. |
 |
| Hitið olíu í potti. |
 |
| Látið saxað grænmetið út í. |
 |
| Látið krauma. |
 |
| Bætið tómötum, papriku og soði út í. Sjóðið við vægan hita í 5-10 mínútur. |
 |
| Látið baunirnar út i seinustu 5 mínúturnar. |
 |
| Bragðbætið með chili- kummindufti, salti og pipar. |
 |
| Stráið saxaðri steinselju yfir áður en rétturinn er borinn fram. |
 |
| Verði mér að góðu. |
Þetta er algerlega einn af uppáhalds réttunum sem ég eldaði í þessu verkefni. Það er án nokkurs vafa í mínum huga að ég á eftir að elda þennan rétt aftur. Hann er einfaldur, bragðgóður, seðjandi og fullur af vítamínum.
ReplyDeleteÉg notaði í uppskriftina niðursoðna tómata í mauki, frekar en nota niðursoðna tómata sem ég þyrfti að skera niður. Tel ég ekki að það hafi komið að sök í þessu tilfelli.
Ég átti ekki ferska steinselju en átti hana til þurrkaða og bar réttinn fram með henni því það gaf svo skemmtilegt yfirbragð að hafa hana með á réttinum.
Ég bar réttinn fram með brauðbollum sem ég hafði bakað fyrr um daginn í öðru verkefni í námskeiðinu.